على الله يازمانـ

على الله يازمان بشكي جروحي والليالي طوال * عسى راعي العنى ينسى عناه وينشرح صدره
على يازمن بشكي همومي والهموم جــبال * تعدت عاصــمة حزنـــي حدود العــالــــم بأسـره
خساره يالسنين اللي كتبتي قصة الــترحال * فرحت امس وحزنت اليوم بس الخوف من بكره
لساني كم شكى صمته والامنه حكى ماقــال * طغى طبع السكوت بسيرة المحروم من صغره
سقى الله يوم انا كنت اضحك وبالي مريح البال * ضحوكه ماعرفت الحزن وش معناه وش قدره
كبرت وكبرت احلامي وصارت قصة الترحال * اماني في مهب الريح حلم مااكتمل سحره
عزيزه ياالحروف اللي سكتي والكلام يقـال * حكيتي ماشكيتي الهـم والــهم يـاكبــره
انا منهو فقد صوته وبعض الصوت به مازال * دعيت الله يفرجها على وبيحت انا النظره
اشيل الحمل عن غيــري وصــار ماينشـــال * كما الشيخ الهزيل اللي مشيبة منقض ظهره
وعن حر الزمن صارت حروفي للجروح ظلال * تذرت عن همومالياس حلم قد بنى قصره
عساها للمطر روح بها وادي الظـما ماسال * عروق سنينها جفت ووراها الزمن غدره
على الله ينجلي وقت قضيته هم وغربال * ويشيع النور في قلب غشى بين الظلام فجره
على االه والوالي الله وبأمر الله يزين الحال * ويضحك للزمن قلب من همومه قضى عمره