قصيدة في الجمس القزوزين

من طرف نجران الإثنين مارس 08, 2010 11:23 am

حييت ياجمس اجداد مشاريه & عبارتين بإمية الف شريناه
اربع مئه وخمسين من عند اهاليه& اخر مديل بعالم الشرق عزاه
حالف حرام اني لسوقه واعديه & يوم إن ولد امه قصر ماتهقواه
جمسٍ الى شفته اعزالك تقهويه& ياطيب طيب القهوجي كان قهواه
تقول معزومٍ لحفلة سواريه& جاك إمتشيك وإمتعطر ومحلاه
سواه لطوال الشوارب إمسويه& ولايركبه ياكود حامي حمياه
حر ٍ كفخ من روس عالي مباديه& قرمٍ تلطم واشقر الكنت طفاه
ياليت راع الجمس يومه يسميه& على اسم عنتر وإلاابو زيد سماه
حيثه شنب يستاهل المدح زاهيه& ملعون ابو من لاقمز له وحياه
من حشمته مركبوا اهل الدلع فيه& ولاسوقوه اولاد دادا إوداده
ولاساقه الخكري ولااحمر عتاريه& وبنات العليا ماتعلن زواياه
والجمس احبه حب غالٍ إلغاليه& حبٍ عضيم حب نمر ٍإلوضحاه
من حشمته لجيت اسافر اماليه& ولاخلص المشوار جيت اترظاه
واشيب عيني يوم اجيله واماليه&مثل الذي وسط الخلا شاف لاماه
خطرٍ الى ناديت يقول لبيه & ومن دون سايق يشتغل من وراء داه
هو ميتٍ فيه وانا ميت فيه& لوهو جديد احب شوفه وطرياه
لقمت المس فوق بديه وادريه& بلاشعور قمت ادور شفاياه
ليته هنوف لجل اضمه واداريه& اشرب وامزمز من حلاوة ثناياه
حالف يمين اني لابيه ولا اهفيه& لوربحوني بالف الف إ مدلاه
يوم الردي يبيع صاحبه بجنيه& والله مابيعه دامه ام الطلي شاه
حتى وانا بالمسجد الفرض اصليه& ادعي الجمس ياعسى الخلد مثواه
وان كان عني راح ماني بناسيه& كود البدو حب المقاطين تنساه
تحرم علي نوره حرامٍ مقفيه& وتحرم علي البيض من كل منحاه
ياوين اباالقالي حريصٍٍ واوصيه& لاغبت عن جمسي يزوره ويرعاه
في ذمتي يبغالي الروح لفديه& هوملته عمر المعنا ومخباه
ومن جلدي الباليه لوقي سماريه& ومنهو سعى للجمس ماخاب مسعاه
يالايمي بالجمس غادي وسفيه& بلاك ماشفته ولاشفت حلياه

من طرف **الوافي** الإثنين مارس 08, 2010 11:58 pm

شكرا قصيدة جميلة جدا جدا تقبل تحياتي اخي نجران

من طرف **صقر صاغر** الثلاثاء مارس 09, 2010 2:53 am

الاخ نجران تشكر على القصيدةقصيدة مهوله

تحياتي...

قصيدة في الجمس القزوزين

قصيدة في الجمس القزوزين

رد: قصيدة في الجمس القزوزين

رد: قصيدة في الجمس القزوزين